Gülay Zeynallı Rəhim Rəhimlini bəyənmədi

Muğam ifaçısı Gülay Zeynallı “Hit parad”ın qonağı olub.

Teleqraf.com xəbər verir ki, muğam ifaçısı “ATV maqazin onlarla” verilişində həmkarlarının ifasını qiymətləndirib.

İfaçı Murad Arifin “Dondurma” mahnısını 10-cu pilləyə layiq görərək “Maşınımda Murad Arifin diski yoxdur. Onu dinləmirəm. Avtomobilimdə Abbas Bağırovun diski var. Övladım onu çox sevir” deyib.

Xanəndə müğənni Günay İbrahimlini 9-cu sıraya layiq görüb, onu Sevda Ələkbərzadə və Lalə Məmmədovayla müqayisə edib: “Günayın “Dəlisiyəm gecənin” mahnısı daha maraqlı idi. Sevda Ələkbərzadə mahnılarımızı dünyada təbliğ edir. Nəinki mən, hətta digər cavan ifaçıların da o işləri görməsinə çox vaxt var. Günay ilə rəfiqə deyiləm. Bilənlər bilir, mənim iki-üç rəfiqəm var”.

Gülay Nigar Camalı 8-ci sıraya layiq bilib: “Gözəllik müsabiqəsi olsaydı, Nigar Camalı birinci yerə layiq görədim. Yaxşı oxuyur, amma mahnıları zövqümcə deyil”.

Gülay 7-ci sıraya Ceyhun Qalanı, 6-cıya Çingiz Mustafayevi, 5-ciyə Əhmədi, 4-cü sıraya isə Natavan Həbibini layiq görüb.

İlk üçlükdə Sevda Ələkbərzadə, Lalə Məmmədova və Zamiq Hüseynovun ifasını qiymətləndirib.

Rəhim Rəhimlini “Hit parad”dan uzaqlaşdıran xanəndə onun ifalarının zövqüncə olmadığını deyib.

Rəqsanə