Nigar 45 minlik klipini təqdim etdi - Video

"Eurovision" qalibi Nigar Camalın "Я в твоём плену" adlı klipini təqdim edib.

Teleqraf.com xəbər verir ki, müğənni çəkilişlərin bir gün ərzində Ukraynanın paytaxtında reallaşdığını deyib:

"Çəkilişlərdə suda olduğum səhnələr var. Orada suyun temperaturu aşağı idi deyə, bir az çətinlik oldu. Bir də bədənimin rəngləndiyi yerlər var idi. Sonradan rəngləri çıxarmaq xeyli vaxt apardı".

Camal bildirib ki, hər zaman keyfiyyətli işlər təqdim edir:

"Bilirsiniz, hazırda yaxşı mahnı tapmaq çətin məsələdir, mən də keyfiyyətli iş təqdim etmək istəyirəm".

Qeyd edək ki, sözləri Fərid Pənahova, musiqisi Flaminque Recordsa aid mahnını ukraynalı rejissor Aleks Lamakh ekranlaşdırıb. Ekran işinin büdcəsi 45 min manatdır.