Röya Kreml sarayında baş tutacaq konsertindən danışdı - VİDEO

Müğənni Röya Ayxan Kreml sarayında baş tutacaq konsertindən söhbət açıb.

“Qafqazinfo”nun məlumatına görə, sənətçi “Onlar verilişinə açıqlamasında konsertə ciddi hazırlaşdığını bildirib:

“Biz bunu bacardıq, biz güclü çıxdıq. Aprelin 18-də Kreml sarayında baş tutacaq konsertimi Samirə adlı xanım təşkil edir. Mən hər şeyi birdən əldə etməyi xoşlamıram, onda əldə etdiyim tez yox olur. Hər şeyi yavaş və vaxtında edirəm. Ona görə də indi güclüyəm. Konsertə ciddi hazırlaşıram, əsas odur səsim yerində olsun, başqa nüanslar məni maraqlandırmır. Deyirlər ki, Kreml sarayı böyük və soyuqdur, insanların isti nəfəsini hiss etmək istəyirəm”.