Erməni aktyor Moskvada döyüldü

Erməni əsilli aktyor Alber Məlik-Paşayev sentyabrın 2-də Moskvada döyülüb.

Modern.az-ın Ermənistan KİV-nə istinadən verdiyi xəbərə görə, psixi problemləri olan şəxs uzun müddət izlədikdən sonra Moskvadakı mənzilinə soxularaq aktyoru onunla şəkil çəkdirmədiyinə və avtoqraf verməkdən imtina etdiyinə görə vurub. Hazırda hücum edən şəxs saxlanılıb, Alber isə beyni silkələndiyi üçün xəstəxanaya yerləşdirilib.

36 yaşlı aktyor, müğənni və bəstəkar Alber Məlik-Paşayev Yerevan Teatr İnstitutunu və K.S. Stanislavski adına Yerevan Rus Dram Teatrı yanında studiyanı bitirib. O, Moskva Estrada Teatrında da oxuyub.