3 İyul 2017 18:22
868

İran İslam Respublikasının tanınmış musiqiçisi, məşhur dirijor Bərdia Kiyarəs Azərbaycan Dövlət Musiqili Teatrında çıxış edəcək.

Qurumun mətbuat katibi Samir Sədaqətoğlunun Teleqraf.com-a verdiyi məlumata görə, tanınmış dirijor sentyabrın 23-də və 24-də Üzeyir Hacıbəyliyə həsr olunan Beynəlxalq Musiqi Festivalında “O olmasın, bu olsun” və “Arşın mal alan” tamaşalarını idarə edəcək.

Dünyanın bir çox ölkələrində konsert proqramları ilə çıxış edən 38 yaşlı Kiyarəs 2008-ci ildən bəri dünyanın aparıcı dirijorları ilə əməkdaşlıq edir.

Onun “Budən və Nəbudən” (To Be and Not To Be) adlı seçilmiş əsərlərindən ibarət albomu bütün dünyada tanınır.


Müəllif: Könül Əlibəyli