Ceyhun Bayramov Gürcüstana başsağlığı verdi

Azərbaycan Xarici İşlər naziri Ceyhun Bayramov Gürcüstanda baş verən yol qəzasında ölənlərin yaxınlarına başsağlığı verib.

Teleqraf.com xəbər verir ki, bu barədə o, öz “Twitter” səhifəsində yazıb:

“Gürcüstanın Duşeti bələdiyyəsindəki Şatili şossesində baş verən faciəli yol qəzası barədə eşitmək çox kədərləndi. Qəzada həlak olanların ailələrinə başsağlığı verir və yaralananların tezliklə sağalmasını diləyirik. Bizim dəstəyimiz və həmrəyliyimiz dost Gürcüstan xalqı ilədir!”

Xatırladaq ki, ötən gün Gürcüstanın Duşeti bələdiyyəsində mikroavtobusun dərəyə aşması nəticəsində 17 nəfər ölüb, 3 nəfər yaralanıb. Faciəvi yol qəzası ilə bağlı avqustun 25-i ölkədə matəm günü elan olunub.