27 İyul 2021 21:27
1 146
12 Punto 14 Punto 16 Punto 18 Punto

ABŞ-ın nüfuzlu “Forbes” qəzeti son zamanlarda pilotsuz uçan aparatlarının (PUA) istehsalı sahəsində Türkiyənin imza atdığı uğurlara diqqət çəkib.

Teleqraf.com xəbər verir ki, məqalədə Türkiyə istehsalı dronların Azərbaycan ordusu tərəfindən peşəkarlıqla istifadəsindən də bəhs olunub.

Polşanın Türkiyədən PUA alan ilk NATO üzvü ölkəsi olduğunu xatırladan nəşr yazıb: “Polşa Türkiyədən tank əleyhinə “TB2” aldı. Polşa müdafiə naziri Blaşak bunun müharibədə özünü doğrultduğunu söyləyib. Ukrayna Türkiyənin müştəriləri arasındadır. Qara dənizdəki missiyası üçün Türkiyədən dronlar alıb. Bunlar Kiyevin son 30 ildə aldığı ən böyük yeni döyüş təyyarələridir”.
Məqalədə digər Avropa Birliyi ölkələrinin də (Albaniya və Latviya) Türkiyədə istehsal olunan pilotsuz uçan aparatlar satın almağı planlaşdırdıqları bildirilib.

“Forbes” Türkiyə istehsalı dronların 2020-ci ildə üç fərqli döyüş bölgəsində uğur qazanmasına diqqət çəkib: “Fevral ayında İdlibdə Suriya ordusu və silahlılarını zərərsizləşdirdi. Türkiyənin pilotsuz təyyarələri Liviyada kritik rol oynadı. Dağlıq Qarabağda da “Bayraktar TB2”-lər istifadə edildi. “TB2”-lərlə gücləndirilmiş Azərbaycan ordusu Qarabağdakı döyüşdə erməni ordusunu məğlub etdi”.


Müəllif: Mənsur Rəğbətoğlu