Səhura qalxmaq vacibdirmi? - Dinşünas alim açıqladı

Dinimizə görə səhura (obaşdanlıq) qalxmaq vacib deyil. Ancaq Ramazanda səhur (obaşdanlıq) yeməyini yemək dinimizdə tövsiyə edilən əməllərdəndir.

Bunu Teleqraf.com-a Milli Məclisin deputatı, dinşunas alim Ceyhun Məmmədov deyib.

O qeyd edib ki, dinimizə görə səhura qalxmaq orucu bərəkətli edir:

“Məhəmməd Peyğəmbər (s) bu barədə buyurub:

"Səhur (obaşdanlıq) yeməyini yeyin!” Bəzən insanlar səhur (obaşdanlıq) yemədən oruc tuturlar. Dinimiz bu əməli bəyənmir”.

Alim bildirib ki, əslində Ramazan öz ənənələri və ibadətləri ilə seçilən aylardandır:

“Gəlin özümüzdə səhura (obaşdanlıq) qalxmaq vərdişi yaradaq. Ramazan orucunu təkmil formada yerinə yetirək.

Allah bütün dua və orucları qəbul etsin, dövlətimizi və xalqımızı qorusun!"