Daha bir zəlzələ baş verdi

Azərbaycan Milli Elmlər Akademiyası nəzdində Respublika Seysmoloji Xidmət Mərkəzi yeni zəlzələ haqda məlumat yayıb.

Teleqraf.com Xidmət Mərkəzinin rəsmi saytına istinadla bildirir ki, bu gün yerli vaxtla saat 11:51:01-də Beyləqandan 34 km şimal-şərqdə İmişli rayonu ərazisində zəlzələ qeydə alınıb.

Zəlzələ yaxın yaşayış məntəqələrində 3 bala qədər hiss olunub.

Bu, həmin ərazidə dördüncü zəlzələdir. Dağıntı və tələfat haqda məlumat yoxdur. Köhnə tikililərdə çat əmələ gəldiyi bildirilir. İlk zəlzələ gecə saat 04:49-da 28 kilometrlik dərinlikdə 5,6 bal gücündə baş verib.