İcra başçısı aktiv gəncə vəzifə verdi – Foto

Binəqədi rayon İcra Hakimiyyəti başçısının əmri ilə rayon Gənclər və İdman İdarəsinin rəisi vəzifəsinə Elvin Aslanov təyin edilib.

Teleqraf.com-un məlumatına görə, E.Aslanov 2012-ci ildə Prezident yanında Dövlət İdarəçilik Akademiyasını bitirib, 2016-cı ildə Azərbaycan Turizm və Menecment Universitetində magistr pilləsini başa vurub.

2008-ci ildən Azərbaycan Tələbələr Birliyinin sədridir. 2013-cü ildən Gənclər və İdman Nazirliyi yanında Gənclərlə iş üzrə İctimai Şuranın sədr müavinidir.

Bir çox yerli və beynəlxalq tədbirlərin iştirakçısıdır. Eyni zamanda, bəzi tədbirlərdə ekspert və təlimçi kimi çıxış edib.

İctimai fəaliyyət sahəsində xüsusi fərqləndiyi üçün 2016-cı ildə Prezident İlham Əliyev tərəfindən Gənclər üçün Prezident Mükafatı ilə mükafatlandırılıb.