“Gilavar” klubunun rəhbəri: “Məlumatsızam...”

İtkin düşən alpinistlərin axtarışı bu gün də davam etdirilir.

Bunu Teleqraf.com-a açıqlamasında “Gilavar” hava və eksterm idman klubunun rəhbəri Ziya Qasımov deyib.

Klub rəhbəri bildirib ki, hazırda axtarışların hansı istiqamətdə getdiyi barədə dəqiq məlumatı yoxdur: “Quba rayonunda müəyyən axtarışlarla bağlı tədbirlər planı görülür. Mən də ordayam. Axtarış ərazisində olmadığım üçün hazırda hansı istiqamətdə axtarış aparılması barədə məlumatsızam. Ərazidə Fövqəladə Hallar Nazirliyinin peşəkar xilasedicilərdən ibarət dəstələri, Ekologiya və Təbii Sərvətlər Nazirliyi, eləcə də könüllü dəstələr iştirak edir”.

Qeyd edək ki, “Gilavar” hava və eksterm klubunun idman klubunun üzvləri olan gənc alpinistlər Babur Hüseynov, Namin Bünyadov və Fəridə Cəbrayılzadə dekabrın 23-də Qubanın Xınalıq kəndindən Tufandağ istiqamətində yola çıxıblar. Dekabrın 26-sı geri dönməli olmalarına baxmayaraq, onlardan heç bir xəbər almaq mümkün olmayıb.