"Ən yaxşı ölkələr" arasında 5 pillə irəli - Yeni siyahı

ABŞ-ın "US News & World Report" jurnalı 2018-ci il üçün "Dünyanın ən yaxşı ölkələri"nin siyahısını tərtib edib.

Teleqraf.com xəbər verir ki, siyahıda birinci yeri İsveçrə tutub.

Növbəti yerləri İsveçrə, Kanada, Almaniya, Böyük Britaniya və Yaponiya tutur.

ABŞ 2017-ci ilə nisbətən bir pillə geriləyərək 8-ci olub.

Qonşu ölkələrdən siyahıda Türkiyə (36) və İran (77) yer alıb.

MDB ölkələrindən reytinqə Rusiya (26), Latviya (59), Ukrayna (69), Qazaxıstan (70) və Belarus (72) daxil edilib.

Digər postsovet ölkələri, o cümlədən Gürcüstan və Ermənistan 80 ölkənin yer aldığı siyahıya düşə bilməyib.

Azərbaycan siyahıda 64-cü yeri tutub.

Xatırladaq ki, Azərbaycan ötən il reytinqdə 69-cu yeri tutmuşdu.

Azərbaycan həmçinin güc və təsir kateqoriyasında 45-ci, əhalinin ümumi yaşayış səviyyəsi kateqoriyasında 67-ci, turizm sənayesi kateqoriyasında isə 66-cı yerdə qərarlaşıb.

Qeyd edək ki, reytinq 9 kriteriya əsasında hazırlanıb. Bu kriteriyalar - turizm sənayesinin inkişafı, innovasiya, sosial sfera, mədəniyyət, iqtisadi artım tempi, biznesə açıqlıq, əhalinin ümumi həyat səviyyəsi, dünya arenasında güc və təsir səviyyəsi, tarixi irsdir.