DİN-dən sosial şəbəkələrdə paylaşılan şəkillə bağlı – Açıqlama

Daxili İşlər Nazirliyinin mətbuat xidməti sosial şəbəkələrdə nazirliyin rəsmi “Facebook” səhifəsinin adından vətəndaşa kobud rəy yazılması ilə bağlı yayılan məlumatlara aydınlıq gətirib.

Teleqraf.com xəbər verir ki, sosial şəbəkələrdə yayılan foto həqiqəti əks etdirmir.

Qeyd olunub ki, bu fotoda yazılan həmin rəy montajdır, səhifədə bu cür rəy yazılmayıb.

Qeyd edək ki, sosial şəbəkələrdə Daxili İşlər Nazirliyinin rəsmi “facebook” səhifəsində foto paylaşılıb.

Həmin fotonun şərh bölməsində vətəndaşa “bir öz vidinə bax, sonra nəsə yaz” sözləri yazılmış foto sosial şəbəkələrdə müzakirəyə səbəb olub.