6 Dekabr 2022 15:47
258
12 Punto 14 Punto 16 Punto 18 Punto

44 günlük Vətən müharibəsində şəhidlik zirvəsinə ucalan gömrük əməkdaşı Ülvi Hacıyevin anım mərasimi keçirilib.

Teleqraf.com xəbər verir ki, bu barədə Dövlət Gömrük Komitəsindən məlumat verilib.

Bildirilib ki, dekabrın 6-da Dövlət Gömrük Komitəsinin rəhbərliyi və kollektivi İkinci Şəhidlər xiyabanına gələrək şəhid gömrükçü Ülvi Hacıyevin məzarını ziyarət ediblər. Anım tədbirində Dövlət Gömrük Komitəsinin rəhbərliyi və kollektivi ilə yanaşı, Ülvi Hacıyevin ailə üzvləri, yaxınları və qazilər də iştirak ediblər.

Tədbir Dövlət Himninin səslənməsi və şəhidin əziz xatirəsinin bir dəqiqəlik sükutla anılması ilə başlayıb. Anım mərasimində şəhidin məzarı üzərinə gül dəstələri düzülüb, unudulmaz xatirəsi dərin ehtiramla yad edilib.

Daha sonra bütün şəhidlik zirvəsinə ucalan qəhrəmanların ruhuna dualar oxunub.

Xatırladaq ki, gömrükçü şəhid Ülvi Hacıyev Azərbaycan Respublikası Prezidenti İlham Əliyevin sərəncamları ilə ölümündən sonra “Vətən uğrunda”, “Füzulinin azad olunmasına görə”, “Cəbrayılın azad olunmasına görə” və “Xocavəndin azad olunmasına görə” medalları ilə təltif edilib.


Müəllif: Teleqraf.com