Orxan Məmmədov Minifutbol Federasiyasının prezidenti seçildi

Azərbaycan Minifutbol Federasiyasının növbəti ümumi yığıncağı keçirilib.

Teleqraf.com xəbər verir ki, Orxan Məmmədov növbəti dörd il üçün prezident seçilib.

O, bu barədə rəsmi tviter hesabında paylaşım edib. Toplantıya gənclər və idman naziri Fərid Qayıbov da qatılıb.

Orxan Məmmədov etimad göstərən hər kəsə təşəkkür etdiyini bildirib: "İnanıram ki,federasiya olaraq bundan sonra da ölkəmizi dünyada layiqli təmsil edəcəyik".

Qeyd edək ki, Orxan Məmmədov Azərbaycan Minifutbol Federasiyasının fəxri prezidenti idi.