FHN-in əməkdaşı dünya çempionatında medal qazandı - Foto

Birləşmiş Ərəb Əmirliklərinin Əbu-Dabi şəhərində cüdo idman növü üzrə veteran idmançılar arasında dünya çempionatı keçirilib.

Nazirlikdən Teleqraf.com-a verilən məlumata görə, ölkəmizi 81 kq çəki dərəcəsində Fövqəladə Hallar Nazirliyi Dövlət Yanğından Mühafizə Xidmətinin əməkaşı Zülfüqar Hüseynov təmsil edib.

O, dünya çemrionatında uğurlu çıxış edərək bürünc medal qazanıb.

Qeyd edək ki, Z.Hüseynov bu il Sloveniyanın Podçetrtek şəhərində keçirilmiş Avropa çempionatının qalibi olub.