Şəhid Hacıəli Qasımov dəfn olundu - Foto/Yeniləndi

Ötən il ordumuz tərəfindən aparılan antiterror tədbirləri zamanı ağır yaralanan və uzun müddət koma vəziyyətinə düşərək şəhidlik zirvəsinə ucalan Hacıəli Qasımov dəfn olunub.

Teleqraf.com xəbər veirr ki, mərasimdə şəhidin yaxınları, hərbçilər, hüquq-mühafizə orqanlarının əməkdaşları, sakinlər və ictimaiyyət nümayəndələri iştirak ediblər.

***

16.05

Ötən ilin sentyabrın 19-da lokal xarakterli antiterror tədbirləri zamanı ağır yaralanan və uzun müddət komada qaldıqdan sonra bu gün şəhidlik zirvəsinə ucalan hərbçi Qasımov Hacıəlinin cənazəsi ailə üzvlərinə təhvil verilib.

Teleqraf.com xəbər verir ki, şəhidimizlə Tovuz rayon Qaraxanlı kəndində vida mərasimi keçirilir.

***

15.19

19 Sentyabrıda düşmən təxribatının qarşısı alarkən ağır yaralanan və komada olan hərbi qulluqçumuz Tovuz rayon Qaraxanlı kənd sakini 2002-ci il təvəllüdlü Qasımov Hacıəli Tahir oğlu ilə vida mərasimnə hazırlıq görülür.

Teleqraf.com xəbər verir ki, Şəhid Hacıəli Qasımovun doğulduğu Qaraxanlı kəndində dəfn olunacaq.

Şəhidimiz Bakı şəhərindəki, xəstəxanaların birində 4 ay koma vəziyyətində olub.

***

13.-3

Ötən ilin sentyabrın 19-da Azərbaycan Silahlı Qüvvələri tərəfindən həyata keçirilən lokal xarakterli antiterror tədbirləri zamanı ağır yaralanan, uzun müddət serebral koma diaqnozu ilə hərbi tibb müəssisəsində müalicə alsa da, həkimlərin səylərinə baxmayaraq şəhid olan müddətdən artıq həqiqi hərbi xidmət hərbi qulluqçumuz Qasımov Hacıəli Tahir oğlu ilə Tovuz rayonu, Qaraxanlı kəndində vida mərasimi keçiriləcək.

Teleqraf.com xəbər verir ki, onun nəşi doğulub boya-başa çatdığı Qaraxanlı kəndinə gətiriləcək.

Şəhidimiz vida mərasimindən sonra Qaraxanlı kənd qəbirstanlığında dəfn olunacaq.

Qeyd edək ki, onlar ailədə 4 övlad olublar. Onun əkiz qardaşı və 2 bacısı var. H.Qasımov hərbi xidmətə qardaşı ilə birlikdə, 18 yaşında gedib.