Azərbaycanda 24 ildir bələdiyyələr fəliyyət göstərir. Amma hələ də onlarla bağlı xırda məsələlər həll edilməyib.
Teleqraf.com xəbər verir ki, bunu Milli Məclisin bu gün keçirilən iclasında deputat Fazil Mustafa deyib.
O qeyd edib ki, Azərbaycanda hələ də hər hansı bələdiyyənin məktəbi, teatrı, xəstəxanası və s. yoxdur:
“Çünki bələdiyyələrin maliyyə imkanları yoxdur. Bu məsələnin həlli üçün çalışılmalıdır. Belə ki, bir kənd yerində maliyyə imkanı olmayan bələdiyyə müəyyən layihələri necə həyata keçirəcək?".