Eyni evi bir neçə şəxsə satmaq mümkün olmayacaq - Video

Azərbaycanda daşınmaz əmlakın sənədləşdirilməsi ilə bağlı vahid elektron portal hazırlanır.

Teleqraf.com xəbər verir ki, bununla bağlı İqtisadiyyat Nazirliyi yanında Əmlak məsələləri üzrə Dövlət Xidməti məlumat yayıb.

Layihənin məqsədi evlərin sənədləşdirilməsində bütün proseslərin həmin portal vasitəsilə tam elektronlaşdırılması və rəqəmsal idarəetmə yaratmaqdır.

Hazırda nəzərdə tutulan informasiya vasitəsində mənzillərlə bağlı xüsusi modul yaradılacaq ki, bu da tikinti şirkətləri binanı tikməyə başladığı andan etibarən həmin binanın elektron imitasiyasını sistemləşdiriləcək.

Belə olan halda bir mənzilin iki və ya daha artıq şəxsə satılması hallarının da qarşısı alınacaq.

Sözügedən portalın təşkili sənədsiz evlərlə bağlı problemi də həll edəcək.