Aktrisa Çimnaz Sultanova dəfn edildi - Foto

Yanvarın 15-də vəfat edən 43 yaşlı aktrisa Çimnaz Sultanova bu gün Əmircan qəbiristanlığında dəfn edilib.

Teleqraf.com xəbər verir ki, Çimnaz Sultanovanın dəfn mərasiminə yaxınları, bundan başqa, müğənni Manaf Ağayev, aktrisa Sona Əliyeva, meyxanaçı Samirə Yusifqızı iştirak ediblər.

Qeyd edək ki, Çimnaz Sultanova bağırsaq xərçəngindən Zəfəran Hospitalda vəfat edib.

***

13:59

Ötən gün axşam saatlarında bağırsaq xərçəngindən dünyasını dəyişən aktrisa Çimnaz Sultanovanın Əmircan qəsəbəsində yerləşən mənzilində vida mərasimi keçirilib.

Teleqraf.com xəbər verir ki, aktrisa Əmircan qəbiristanlığında torpağa tapşırılacaq.

Çimnaz Sultanovanın vida mərasimində Almaniyada yaşayan oğlu iştirak edə bilməyib.

Mərhumla vidaya ailə üzvləri və yaxınları qatılıblar.

Qeyd edək ki, Çimnaz Sultanova 15 yanvar 1980-ci ildə Bakıda anadan olub. “Vicdan haqqı”, “Sənə inanıram”, “Bayram axşamı” kimi bir sıra serial və filmlərdə rol alıb.