Sumqayıtda yaşayış binasında yanğın olub

Sumqayıt şəhərində yanğın hadisəsi baş verib.

Teleqraf.com xəbər verir ki, bu barədə FHN- məlumat yayıb.

Məlumata görə, bir dam altında tikilən ümumi sahəsi 300 m² olan birmərtəbəli kommunal tipli yaşayış binasında sahəsi 40 m² olan 2 otaqlı mənzilin bir otağının tavanı, ev əşyaları və dam örtüyünün taxta atmaları 20 m² sahədə yanıb.

Yüksək temperaturdan 1 ədəd kondisioner qismən əriyib. Mənzilin qalan hissəsi və bitişik olan mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.