Binəqədi və Abşeron rayonlarında ev yandı

Gündüz saatlarında Bakının ayrı-ayrı rayonlarında yanğın faktı qeydə alınıb.

Fövqəladə Hallar Nazirliyindən Teleqraf.com-a verilən məlumata görə, Binəqədi rayonunda vətəndaşa məxsus ümumi sahəsi 20 kv.m olan birmərtəbəli 1 otaqlı evin yanar konstruksiyaları, evə bitişik ümumi sahəsi 10 kv.m olan taxta konstruksiyalardan ibarət köməkçi tikili və həyətyanı sahədə 300 kv.m quru ot yanıb. Yaxınlıqdakı tikililər yanğından mühafizə olunub.

Yanğın saat 12:21-də yanğınsöndürənlər tərəfindən söndürülüb.

Daha bir yanğın faktı Abşeron rayonunda qeydə alınıb. Vətəndaşa məxsus ümumi sahəsi 60 kv.m olan 2 otaqlı mənzilin 1 otağında ev əşyaları 3 kv.m sahədə yanıb. Mənzilin qalan hissəsi yanğından mühafizə olunub.

Yanğın saat 13:13-də yanğınsöndürənlər tərəfindən söndürülüb.