Zaqatalada iki motosiklet toqquşdu: 1 ölü, 1 yaralı

Zaqatala rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə Danaçı kəndində qeydə alınıb.

Zaqatala rayon sakini Bilal Nəbiyev idarə etdiyi dövlət qeydiyyat nişanları olmayan “İJ” markalı motosikleti yolun kənarında dayanmış həmyerlisi Bəxtiyar Mamayevə məxsus “İJ” markalı motosikletə vurub.

Nəticədə Bəxtiyar Nəbiyevin sərnişini, Bakı şəhər sakini Pyotr Kuznetsov hadisə yerində ölüb, özü isə xəstəxanaya yerləşdirilib.

Faktla bağlı Zaqatala rayon polis şöbəsi tərəfindən araşdırma aparılır.

Hacı Zeynalov