Gəncədə iki avtomobil toqquşdu

Gəncə-Samux avtomobil yolunda bir nəfərin xəsarət alması ilə nəticələnən yol-nəqliyyat hadisəsi baş verib.

Gəncədəki İmamzadə Dini Kompleksinin yaxınlığında Gəncə şəhər sakini, 1990-cı il təvəllüdlü Elmixan Həsənovun idarə etdiyi “VAZ” markalı avtomobil “KamAZ”la toqquşub. Nəticədə “VAZ"ın sürücüsü müxtəlif bədən xəsarətləri alaraq, Gəncə şəhər Təcili Tibbi Yardım Xəstəxanasına yerləşdirilib. Vəziyyətinin orta-ağır olduğu bildirilir.

Faktla bağlı araşdırma aparılır.
APA