Göyçayda 22 yaşlı oğlan bıçaqlandı

Göyçay rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun mərkəzindəki M.Ə.Rəsulzadə küçəsində qeydə alınıb.

Rayon sakini, 1983-cü il təvəllüdlü Azər Şıxəliyev həmyerlisi, 1995-ci il təvəllüdlü Məhəmməd Abdulovla mübahisə edib. Mübahisə zamanı Azər Şıxəliyev Məhəmməd Abdulovu bıçaqlayıb.

Məhəmməd Abdulov Göyçay rayon Mərkəzi Xəstəxanasına yerləşdirilib. Vaxtında tibbi yardım alan Abdulovun həyatını xilas etmək mümkün olub. Onun vəziyyətinin ağır olduğu bildirilir.

Hadisəni törədən Azər Şıxəliyev həbs edilib.

Faktla bağlı Göyçay rayon polis şöbəsinin istintaq şöbəsində Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov