İki bacını aldadan AMEA işçisinin məhkəməsi başladı

Bu gün Bakı Ağır Cinayətlər Məhkəməsində Azərbaycan Milli Elmlər Akademiyasının (AMEA) sabiq əməkdaşı, 1973-cü il təvəllüdlü Arifə Cahangirovanın cinayət işi üzrə məhkəmənin hazırlıq iclası keçirilib.

Teleqraf com xəbər verir ki, hakim Tamella Nəsrullayevanın sədrlik etdiyi prosesdə təqsirləndirilən şəxsin anket məlumatları dəqiqləşdirilib.

Məhkəmə baxışı fevralın 17-ə təyin edilib.

Arifə Cahangirova Azərbaycan AMEA-da dizayner vəzifəsində işləyib.

İttihama görə, Arifə Cahangirova iki bacıya qarşı dələduzluq edib. O, nəşriyyatda iş qurmaq adı ilə zərərçəkmişlərdən ümumilikdə 87 min manat alıb və vədinə əməl etməyib.

O, Cinayət Məcəlləsinin 178.3.2-ci (külli miqdarda dələduzluq etmək) maddəsi ilə ittiham edilir.

Hacı Zeynalov