Polis ağır cinayətlərin üstünü açdı -mütəşəkkil dəstə tutuldu

Azərbaycanda hüquq-mühafizə orqanlarının əməkdaşları ağır cinayətlər törədən şəxslərin tutulması üçün əməliyyat tədbirləri keçirib.

Teleqraf.com xəbər verir ki, Salyan və Hacıqabul rayon polis şöbələri əməkdaşlarının keçirdiyi əməliyyat tədbirləri nəticəsində oğurluq etməkdə şübhəli bilindiyinə görə Niyaməddin Eminov həbs edilib.
Niyaməddin Eminovun ətrafında aparılan əməliyyat tədbirləri aparılıb.

Onun Salyan rayonunda 3 nəfərə məxsus yardımçı təsərrüfatlardan müvafiq olaraq 3 baş inək, Hacıqabul rayonu ərazisindəki evlərdən birindən qızıl əşyalar oğurlaması müəyyən edilib.

Niyaməddin Eminovun Bakı şəhər sakini Cavidan Bağırlı, Salyan rayon sakini Elxan Kərimov və Kürdəmir rayon sakini Rəvan Qasımovla birgə fevralın 13-də Hacıqabul rayonu ərazisində Kazım Tağıyevdən quldurluq yolu ilə 13050 manat pul, mobil telefon və tütün məmulatı almaları da müəyyən edilib.

Görülmüş tədbirlərlə C.Bağırlı, E.Kərimov və R.Qasımov tutulublar.

Hacı Zeynalov