Bakıda gecə klubunda dava: 1 nəfər öldürüldü

Xırdalan şəhərində evdən meyit aşkarlanması barədə polisə məlumat daxil olub.

Teleqraf.com xəbər verir ki, martın 25-də Xırdalan şəhərinin “Quşçuluq” yaşayış sahəsində Rahil Məlikovun evində həmyerlisi, dostu Telman Məmmədovun üzərində zorakılıq əlamətləri olan meyiti tapılıb.

Araşdırmalar zamanı Telman Məmmədovun paytaxtın Nəsimi rayonu ərazisində yerləşən klublardan birində oranın inzibatçısı - Bakı şəhər sakini Fərhad Musayevlə dalaşdığı, yumruq zərbəsi nətcisəsində yıxılıb başından xəsarət aldığı, sonra dostu ilə birgə onun evinə gələrək orada öldüyü müəyyən edilib.

Abşeron rayon Polis İdarəsi əməkdaşlarının əməliyyat-axtarış tədbirləri nəticəsində Fərhad Musayev tutulub.

Faktla bağlı cinayət işi başlanıb.

Hacı Zeynalov