Bakıda aptekdən oğurluq edən “zek” yaxalandı

Bakının Xəzər rayonunda oğurluq hadisəsi baş verib.

Teleqraf.com xəbər verir ki, rayon ərazisindəki apteklərdən birindən 20 manat, habelə orada quraşdırılan “Milli Ön” ödəmə terminalından 1000 manat pul oğurlanıb.

Xəzər rayon Polis İdarəsinin 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Abşeron rayon sakini, əvvəllər məhkum olunmuş Rəşad Süleymanov tutulub.

Cinayətin daha 1 iştirakçısı müəyyən edilib. Onun tutulması üçün əməliyyat tədbirləri görülür.

Faktla bağlı cinayət işi başlanıb.

Hacı Zeynalov