İH əməkdaşı bıçaqlandı - Torpaq üstündə...

Qubada adam bıçaqlamaqda təqdirləndirilən Şakir Mədətovun cinayət işi üzrə məhkəmə prosesi keçirilib.

Teleqraf.com xəbər verir ki, bu gün Bakı Ağır Cinayətlər Məhkəməsində hakim Faiq Qəniyevin sədrliyi ilə baş tutan prosesdə təqdirləndirilən şəxsin anket məlumatları dəqiqləşdirilib.

Zərərçəkmiş şəxs məhkəmədə iştirak etməyib. Məhkəmə baxışı yanvarın 18-nə təyin edilib.

İttihama görə, Quba Rayon İcra Hakimiyyətinin şöbə müdiri Nizaməddin Əmrullayevi rayonun İkinci Nügədi kənd sakini Şakir Mədətov bıçaqlayıb.

Hər iki şəxs Nügədi kənd sakinidir. Onların mübahisəsi torpaq sahəsi üstündə düşüb. Şakir Mədətov meşəlik ərazidə istirahət mərkəzi işlədirmiş. Həmin əraziyə yaxın yerdə şöbə müdirinin də obyekti olub. Mübahisə də bu səbəbdən başlayıb.

Nəticədə Şakir Mədətov Nizaməddin Əmrullayevi bıçaqlayıb.

Şakir Mədətov Cinayət Məcəlləsinin 29.120-ci (adam öldürməyə cəhd) maddəsi ilə ittiham edilir.