Kəndlisini ov tüfəngi ilə güllələdi – Təfərrüat

Xaçmaz rayonunda silahlı insident baş verib.

Teleqraf.com-un məlumatına görə, rayonun Çarxı kəndində 1973-cü il təvəllüdlü Ehtiram Hidayətov həmkəndlisi, 1973-cü il təvəllüdlü Əfqan Cəfərovu ov tüfəngi ilə güllələyib.

Əfqan Cəfərov hadisə yerində dünyasını dəyişib.

Ehtiram Hidayətov istintaqa verdiyi ilkin ifadəsində törətdiyi cinayəti etiraf edib. Bildirib ki, həmkəndlisi ilə aralarında borc pul üstündə mübahisə zəminində dava olub. Dava zamanı ov tüfəngi ilə Əfqan Cəfərovu vurub.

Ehtiram Hidayətov qeyd edib ki, Əfqan Cəfərov ona olan borcu verməkdən yayınırmış.

Faktla bağlı Xaçmaz rayon Prokurorluğunda cinayət işi başlanıb.