Şəmkirdə oğru dəstəsi ələ keçdi

Şəmkir rayonunun Aşağı Seyfəli kəndində oğurluq olub.

Teleqraf.com xəbər verir ki, kənd sakini Mirəzim Məmmədova məxsus evdən qapını sındırmaq yolu ilə televizor və təmir-tikinti alətlərinin oğurlanması barədə rayon polis şöbəsinə müraciət edilib.

Oğurluğu törətməkdə şübhəli bilinən kənd sakinləri Afiyəddin Quliyev, Nurlan Axundov və əvvəllər məhkum olunmuş İmdad İsayev saxlanılıblar.

Onların yanvarın 19-da birlikdə daha bir sakinin evindən qızıl və məişət əşyaları, həmçinin İmdad İsayevin Afiyəddin Quliyevlə birgə ötən ilin avqust və sentyabr aylarında kənd sakinləri Emin Həsənova məxsus həyətyanı sahədən 3 baş inək və daha bir evdən 1200 manat, danışıq kartları və tütün məmulatı oğurladıqları müəyyən edilib.