Xaçmazda avtomobil oğurlayan dəstə tutuldu

Fevralın 8-də gecə saatlarında Xaçmaz sakini Elnur Mustafayevin “VAZ-2107” markalı avtomobili qaçırılıb.

Teleqraf.com xəbər verir ki, əməliyyat-axtarış tədbirləri nəticəsində həmin avtomobil martın 5-də Xaçmaz şəhəri ərazisində atılmış vəziyyətdə tapılıb.

Avtomobili qaçırmaqda şübhəli bilinənlər Xaçmaz rayon sakinləri İmran Rzayev, Orxan Qəribov və Həsən Əliyev saxlanılıblar.

İstintaq araşdırması zamanı Orxan Qəribovun əvvəllər məhkum olunduğu üzə çıxıb. Faktla bağlı araşdırma aparılır.