Sabirabadda və Bərdədə oğurluq edənlər tutuldu

Sabirabad rayonununda avtomobil oğrusu həbs edilib.

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Məlumata görə, Nizami kəndindən kənd sakini Sərdar İbrahimova məxsus “VAZ-2107” markalı avtomobil qaçırılıb.

Sabirabad rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində avtomobili qaçırmış Şamaxı rayon sakini Vüqar Atakişiyev tutulub.

Bərdə şəhəri Ü.Hacıbəyov küçəsindən Ağcabədi rayon sakini İntiqam Əliyevə məxsus “Mercedes” markalı avtomobili oğurlanıb. Avtomobil Yevlax rayonunun ərazisində Baş Dövlət Yol Polisi İdarəsinin əməkdaşları tərəfindən saxlanılıb və onu qaçırmış Bərdə şəhər sakini Ramin Əliyev Bərdə rayon Polis Şöbəsinə təhvil verilib.

Hacı Zeynalov