Maştağa sakini həmyerlisini bıçaqladı

Bakı şəhərinin Sabunçu rayonunda bıçaqlanma hadisəsi baş verib.

Maştağa qəsəbəsində 1996-cı il təvəllüdlü Abdullayev Bəhrəm Bəhlul oğlu, həmyerlisi, 1986-cı ildə anadan olmuş Hüseynov Elsevər Şirindil oğlunu bıçaqlayıb. E.Şirinov ağır vəziyyətdə 3 saylı şəhər xəstəxanasına çatdırılıb.

Hadisənin mübahisə zəminində baş verdiyi bildirilir.

Faktla bağlı Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə iş başlanılıb.