Evdən içərisində pul və qızıl olan seyf oğurlandı - Göygöldə

Göygöl rayonunda oğurluq hadisəsi baş verib.

Teleqraf.com xəbər verir ki, aprelin 19-da rayon ərazisindəki evlərin birindən içərisində 980 manat və 9950 ABŞ dolları, habelə 10.000 manat dəyərində qızıl-zinət əşyaları olan seyf oğurlanıb.

Göygöl rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəhər sakini, əvvəllər məhkum olunmuş Ş.Dursunov saxlanılıb.