Mingəçevirdə əməliyyat: 2 nəfər həbs edildi

Mingəçevir şəhərində əməliyyat keçirilib.

Teleqraf.com xəbər verir ki, Mingəçevir şəhər polis şöbəsi əməkdaşlarının əldə edilmiş məlumat əsasında keçirdikləri əməliyyat tədbirləri nəticəsində narkotiklərin qanunsuz dövriyyəsində şübhəli bilinən şəhər sakini V.Vəliyev saxlanılıb.

Şəxsi axtarış zamanı ondan 6 qrama yaxın marixuana aşkar edilərək götürülüb.

Ətrafında aparılmış tədbirlərlə onun idarə etdiyi “VAZ-21011” markalı avtomobildən 1 kiloqram 120 qram marixuana aşkar edilib.

Polis əməkdaşları tərəfindən narkotik vasitəni ona satmaqda şübhəli bilinən Yevlax rayon sakini V.İsazadə də saxlanılıb.

Davam etdirilən əməliyyat-axtarış tədbirləri ilə onun evindən heroin aşkar edilərək götürülüb.