Bakıda əməliyyat: Həbs olunanlar var

Bakının Nərimanov rayonunda narkotiklərlə bağlı əməliyyat keçirilib.

Teleqraf.com xəbər verir ki, Baş Narkotiklərlə Mübarizə İdarəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini E.Cəlilov Nərimanov rayonu ərazisində saxlanılıb.

Şəxsi axtarış zamanı ondan 5 qramdan artıq metamfetamin, “Mercedes” markalı avtomobilindən 584 qrama yaxın heroin, 53 qrama yaxın tiryək, 146 qramdan artıq metamfetamin, 1 ədəd elektron tərəzi, evindən isə 665 qram heroin və 289 qrama yaxın metamfetamin aşkar edilib.

Davam etdirilən tədbirlərlə narkotik vasitələri E.Cəlilova verməklə satışını təşkil etməkdə şübhəli bilinən Bakı şəhər sakini T.Talışlı da müəyyən edilərək saxlanılıb. Onun idarə etdiyi “Hyundai” markalı avtomobildən metamfetamin, marixuana və narkotik vasitə qəbulu üçün nəzərdə tutulmuş alətlər aşkar edilib.

Bundan başqa, Sabunçu rayon Polis İdarəsinin cinayət axtarış şöbəsi və 14-cü polis bölməsi əməkdaşlarının birgə keçirdikləri əməliyyat-axtarış tədbirləri nəticəsində Maştağa qəsəbə sakini, 1967-ci il təvəllüdlü, əvvəllər məhkum olunmuş Vaqif Muradovun həyətindən çəkisi 80 qram olan 5 ədəd çətənə bitkisi, evindən 114,64 qram qurudulmuş marixuana və 19,849 qram çətənə toxumu aşkar olunaraq götürülüb.

Sabunçu rayon Polis İdarəsinin narkotiklərlə mübarizə şöbəsi əməkdaşlarının keçirdikləri əməliyyat-axtarış tədbirləri nəticəsində Cinayət Məcəlləsinin 228-ci (qanunsuz soyuq silah saxlama) maddəsi ilə axtarışda olan Bakı şəhər sakini, 1990-cı il təvəllüdlü Kamran Əliyev idarə etdiyi “VAZ-2106” markalı avtomobilində saxlanılıb.

Kamran Əliyevin avtomobildən 18 ədəd bükümdə 3,661 qram heroin, 3 ədəd bükümdə 0,292 qram metamfetamin, onun sərnişini 1989-cu il təvəllüdlü Nicat Altayevdən 0,177 qram heroin aşkar edilərək götürülüb.

Daha sonra K.Əliyevin narkotik vasitəni əldə etdiyi 1972-ci il təvəllüdlü Hüseynqulu Dadaşov da müəyəən olunaraq saxlanılıb.

Daha bir əməliyyat Pirallahı ryonunda keçirilib.

Pirallahı rayon polis şöbəsi əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Bakı şəhər sakini V.Seyfullayevin “Fiat” markalı avtomobilindən 2 kiloqram 430 qram marixuana aşkar edilib.