Bakıda oğurluq edən şəxslər tutuldu

Bakının Səbail rayonunda oğurluq hadisəsi baş verib.

Teleqraf.com xəbər verir ki, Səbail rayon Polis İdarəsinin 39-cu polis bölməsi əməkdaşlarının keçirdikləri əməliyyat tədbirləri nəticəsində avqustun 21-nə keçən gecə rayon ərazisindəki mənzillərdən birinin girişindən 600 manat dəyərində velosipedi oğurlamaqda şübhəli bilinən Füzuli rayon sakini K.Rüstəmov saxlanılıb.

Bundan başqa, Yasamal rayon Polis İdarəsinin 26-cı polis bölməsi əməkdaşlarının keçirdikləri əməliyyat tədbirləri nəticəsində avqustun 22-də rayon ərazisində “Toyota” markalı avtomobildən 2500 manat dəyərində qaz sayğacı, su mühərriki və sənəd oğurlamaqda şübhəli bilinən Bakı şəhər sakini T.Həmidov tutulub.

Qaradağ rayon Polis İdarəsinin 10-cu polis bölməsi n əməkdaşları tərəfindən nəqliyyat vasitəsi qaçırdığına görə tutulmuş İ.Aslanovun ətrafında aparılmış əməliyyat tədbirləri ilə onun daha bir “VAZ-2107” markalı avtomobili qaçırması müəyyən edilib.