Bakıda avtomobilləri qarət edən tutuldu

Bakının Nəsimi rayonunda avtomobilləri qarət etmək istəyən həbs edilib.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Nəsimi rayon Polis İdarəsinin 19-cu polis bölməsi əməkdaşlarının keçirdiyi əməliyyat tədbiri nəticəsində, oğurluqda şübhəli bilinən Salyan rayon sakini Kənan Həsənov tutulub.

Məlum olub ki, o, oktyabrın 3-nə keçən gecə Cavadxan küçəsində Telman Məmişova məxsus “Mercedes” markalı avtomobilin yan güzgüsünü, oktyabrın 8-nə keçən gecə H.Seyidzadə küçəsində Həmid Muxtarova məxsus “Hyundai” markalı avtomobildən geyim əşyaları götürüb, oktyabrın 20-də isə Cavadxan küçəsində Kamran Eynullayevə məxsus “Audi” markalı avtomobilin şüşəsi sındırılmaqla oğurluğa cəhd edib.

Hacı Zeynalov