13 Noyabr 2014 14:23
2 986

Bu gün Bakı Apelyasiya Məhkəməsində gənc qızı zorlamağa cəhddə ittiham olunan Ramil Cəfərovun apelyasiya şikayəti üzrə məhkəmə başa çatıb.

Teleqraf.com xəbər verir ki, hakim Camal Ramazanovun sədrliyi ilə keçirilən prosesdə qərar elan edilib. Qərara görə, Ramil Cəfərovun barəsində bəraət hökmünün çıxarılması ilə bağlı verdiyi apelyasiya şikayəti təmin edilməyib.

Bakı Ağır Cinayətlər Məhkəməsinin hökmü ilə Ramil Cəfərov 10 il müddətinə azadlıqdan məhrum edilib. Hökmdən narazı qalan Ramil Cəfərov apelyasiya şikayəti verib. O, günahsız olduğunu və barəsində bəraət hökmünün çıxarılmasını istəyib.


Ramil Cəfərov Binəqədi rayonunda Sevdanı (ad şərti verilib) zorlamaq istəyib. O, bu məqsədini həyata keçirmək üçün Sevdanı qaranlıq bir yerə aparıb və orada zor tətbiq edərək qızla cinsi əlaqədə olmaq istəyib. Lakin Sevda səs-küy salması nəticəsində Ramil Cəfərov cinayəti başa çatdıra bilməyib. Ramil Cəfərov həbs edilib.

Ramil Cəfərov Cinayət Məcəlləsinin 29,149.1-ci (zorlama) maddəsi ilə ittiham edilib.


Hacı Zeynalov


Müəllif:
Загрузка...