“Mersedes”lə "KAMAZ" toqquşdu: yaralılar var

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Salyan şəhəri ərazisində "Mercedes" markalı minik avtomobili ilə "KAMAZ" markalı yük avtomobili toqquşub.

Teleqraf.com FHN-in rəsmi saytına istinadən xəbər verir ki, "Mercedes" markalı avtomobilin sürücüsü və 3 nəfər sərnişini xəsarət alaraq deformasiyaya uğramış nəqliyyat vasitəsində sıxılmış vəziyyətdə qalıb.

Xilasedicilər yaralıları nəqliyyat vasitəsindən çıxarıb və aidiyyəti üzrə təhvil veriblər.

Əməliyyat saat 07:59-da başa çatıb.