Kürdəmirdə və Zaqatalada ölümlə nəticələnən qəzalar baş verdi

Kürdəmir rayonunda ağır yol nəqliyyat hadisəsi baş verib.

Teleqraf.com xəbər verir ki, hadisə Bakı-Qazax əsas magistral yolunun Kürdəmir rayonunun Sığırlı kəndi ərazisindən keçən hissəsində qeydə alınıb.

Elnur Heydərovun idarə etdiyi “Mitsibushi” markalı maşınla Elşən Şükürovun idarə etdiyi “Mercedes” markalı minik maşını toqquşub.

Nəticədə “Mercedes”də olan sərnişinlər - Yevlax rayon sakinləri, 63 yaşlı Əhmədova Südabə Sadıq qızı və onun qızı 37 yaşlı Davudova Gülnur Məqsəd qızı müxtəlif bədən xəsarətləri alıb. Onlar Kürdəmir Mərkəzi Rayon Xəstəxanasına yerləşdirilib.

Daha bir yol qəzası Zaqatalada qeydə alıınıb. Rayon sakinləri İlkin Şabanovun və İsmayıl Kərimovun idarə etdikləri “VAZ” markalı avtomobillər toqquşub. Xəstəxanaya yerləşdirilmiş İ.Kərimovun sərnişini - həmyerlisi Ramiz Əlicanov orada ölüb.

Hacı Zeynalov