Şirkətdən 68 min manat oğurlandı

Bakının Binəqədi rayonunda şirkətdən külli miqdarda pul oğurlanıb.

Binəqədi rayon Polis İdarəsindən Teleqraf.com-a verilən məlumata görə, oğurluq hadisəsi rayonun 7-ci mikrorayonda yerləşən “Ramse” MMC-nin ofisində baş verib.

Naməlum şəxs və ya şəxslər şirkətin ofisinə daxil olaraq 68 min 500 manat oğurlayıblar. Hazırda polis əməkdaşları oğurluğu törədən şəxslərin müəyyən edilməsi istiqamətində əməliyyat-axtarış tədbirləri aparılar.

Faktla bağlı cinayət işi başlanıb.

Hacı Zeynalov