3 Aprel 2015 16:40
481

Qusar şəhərində mağazadan oğurluğa cəhd edilib.

Daxili İşlər Nazirliyinin Baş Mühafizə İdarəsindən Teleqraf.com-a verilən məlumata görə, hadisə 2 aprel 2015-ci il tarixdə, gecə saat 04:28 radələrində baş verib.

Quba Regional Mühafizə Şöbəsinin əməkdaşları Abdulrəhmanov Tariyel Nəbi oğluna məxsus “Aydan” market mağazasından Mərkəzi Mühafizə Məntəqəsinə (MMM-ə) daxil olmuş “həyəcan” siqnalını yoxlayıb.

Yoxlama zamanı obyektin giriş qapısının sındırıldığını aşkar edilib. Obyektdən oğurluğa cəhd edən Qusar sakini, 1992-ci il təvəllüdlü Rəhimxanov Rəşid Səlimxan oğlu yaxalanıb. O, Qusar Rayon Polis Şöbəsinə təhvil verilib.

Faktla bağlı araşdırma aparılır.

Hacı Zeynalov


Müəllif:
Загрузка...