Yevlaxda baş verən qəzada 4 nəfər xəsarət aldı

Yevlax rayonunda xəsarətlə nəticələnən yol qəzası olub.

Daxili İşlər Nazirliyinin mətbuat xidmətindən Teleqraf.com-a verilən məlumata görə, hadisə rayonun Aran qəsəbəsində qeydə alınıb.

Mingəçevir şəhər sakini Tərlan Süleymanov idarə etdiyi “Mercedes” markalı avtomobili yolun kənarındakı yol ayırıcısına vurub. Nəticədə onun 4 sərnişini xəstəxanaya yerləşdirilıb.

Faktla bağlı Yevlax Rayon Polis Şöbəsi tərəfindən araşdırma aparılır.

Hacı Zeynalov