Qadının evdən oğurluq edən “zek” yaxalandı

Bakının Sabunçu rayonunda evdən oğurluq edilib.

Sabunçu Rayon Polis İdarəsindən Teleqraf.com-a verilən məlumata görə, oğurluq hadisəsi aprelin 30-na keçən gecə Sabunçu rayonunun Zabrat qəsəbəsində qeydə alınıb.

Qəsəbə sakini Tünzalə Hümbətovanın evindən qapını sındırmaq yolu ilə televizor oğurlanıb. 15-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Şiraz Hüseynov tutulub.

Şiraz Hüseynovun əvvəllərdə məhkumluq həyatı yaşadığı bildirilir.

Faktla bağlı Cinayət Məcəlləsinin 177-ci (oğurluq) maddəsi ilə cinayət işi başlanıb.

Hacı Zeynalov