“Range Rover”in sürücü həbs edildi

Bakının Sabunçu rayonunda ağır yol qəzası törədən sürücü həbs edilib. Daxili İşlər Nazirliyinin mətbuat xidmətindən Teleqraf.com-a verilən məlumata görə, Sabunçu Rayon Polis İdarəsinin 13-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Əbülfəz Abdullayev saxlanılıb.

Qeyd edək ki, avqustun 2-də Firdovsi Xəlilovun xəsarət alması ilə nəticələnən yol-nəqliyyat hadisəsini törətmiş “Range Rover” markalı avtomobilin sürücüsü Bakı şəhər sakini Əbülfəz Abdullayev saxlanılıb.
Sabunçu rayonunun Nardaran qəsəbəsində Bakı şəhər sakinləri Fəqan Umudovun idarə etdiyi “Range Rover” və Ağabala Hüseynovun idarə etdiyi “ZAZ” markalı avtomobillər toqquşub.

“ZAZ” markalı avtomobildə yanğın baş verib, habelə idarəetməni itirən F.Umudovun avtomobili paytaxt sakinləri İsgəndər Qasımovun idarə etdiyi “Lexus” və Vahid Mövsümovun idarə etdiyi “Daewoo” markalı avtomobillərə çırpılıb.

Nəticədə A.Hüseynov və sərnişinlərindən nəvəsi Hüseyn Hüseynli hadisə yerindəcə ölüb, digər sərnişinlər isə xəstəxanaya yerləşdirilib.

Faktla bağlı Sabunçu Rayon Polis İdarəsi tərəfindən araşdırma aparılır.

Hacı Zeynalov