Siyəzən sakini 4 kilo narkotiklə tutuldu

Bakının Nizami rayonunda narkotik alveri edən şəxs məsuliyyətə cəlb edilib.

Bakı şəhər Baş Polis İdarəsindən Teleqraf.com-a verilən məlumata görə, əməliyyat Nizami rayon Polis İdarəsi Narkotiklərlə Mübarizə Bölməsinin əməkdaşları tərəfindən keçirilib.

Əməliyyat-axtarış tədbirləri nəticəsində, Siyəzən rayon sakini, 1968-ci il təvəllüdlü Feyruz Əliyevin əlindəki sellofan torbadan 4 kiloqram 010 qram, üzərindən 1,762 qram narkotik tərkibli maddə tiryək aşkar olunaraq götürülüb.

Hacı Zeynalov