Bakıda qadın sürücü qəsdən adam vurdu

Bakının Xətai rayonunda qadın sürücü qarşıdan gələn digər avtomobilin sürücüsü ilə mübahisə edib.

Teleqraf.com xəbər verir ki, Bakı şəhər sakini, 1986-cı il təvəllüdlü İlkin Şahbazov Məhəmməd Hadi küçəsində avtomobillə hərəkət edən zaman eyni istiqamətdə hərəkətdə olan 1985-ci il təvəllüdlü Günel Mahmudova idarə etdiyi “Hyundai Sonata” markalı avtomobillə qəza şəraiti yaradıb. İlkin Şahbazov bununla bağlı Günel Mahmidovaya iradını bildirib.

Bu zaman onların arasında mübahisə baş verib. Günel Mahmudova xuliqanlıq zəminində avtomobili İlkin Şahbazovun üzərinə sürərək onu vurub.

İlkin Şahbazov hadisə ilə bağlı Xətai rayon Polis İdarəsinin 36-cı polis bölməsinə şikayət edib.

Faktla bağlı araşdırma aparılır.

Hacı Zeynalov